O Restaurante

Casa Celia xorde como unha pequena tasca alá polo 1938 como froito da paixón polo bo facer dos seus fundadores. Máis tarde, a súa filla e herdeira da súa paixón, converte a pequena tasca no restaurante que é hoxe en día, onde a calidade continúa sendo o selo da casa. Situado nunha casa tradicional galega en Cambre, en casa Celia “un padal exixente é un padal satisfeito”.

A cociña

Mantendo a súa tradición ao longo dos anos, apostan pola cociña tradicional galega e as sobremesas caseiras. O seu segredo está en explotar a máxima calidade das materias primas, dando o protagonismo aos produtos frescos galegos. Conta con diferentes menús, unha extensa carta de exquisitos pratos e unha gran oferta de viños, acompañamento perfecto desta deliciosa cociña.