O Restaurante

Situado en pleno centro de Betanzos, na zona popularmente coñecida como “Os Soportais”, convídanos a degustar os pratos típicos e gastronomía tradicional baseada en produtos de proximidade e de gran calidade. Todo isto, na zona de viños por excelencia de Betanzos, e como non podía ser doutra maneira, acompañándoo cun «Branco Lexítimo», a variedade estrela do noso territorio recoñecido internacionalmente pola UNESCO como Reserva de Biosfera “Mariñas Coruñesas e Terras do Mandeo”.

A cociña

En Casanova – Casa de Comidas, recuperaron as receitas de sempre achegándolles o seu “toque” persoal. O empeño co que traballan cada día fai que os comensais sentan cómodos e saian cun gran sabor de boca.

A súa cociña caracterízase pola utilización de produtos de proximidade, de tempada e de calidade, na que o trato amable é un dos seus puntos fortes. Elaboran cociña por encargo e tamén para levar.