O Restaurante

O forte compromiso entre a experiencia gastronómica e a exaltación do local fan que Brasa de Beche combine un menú de tempada no que se buscan os mellores ingredientes cun ambiente acolledor.

O restaurante é un lugar onde as persoas se poden reunir e gozar da comida e a contorna da Reserva de Biosfera Mariñas Coruñesas, xa que na área recreativa de Beche as familias poden levar a cabo actividades de lecer alternativo ou unha ruta ao redor do encoro, polo que tamén discorre o Camiño Inglés.

A cociña

Na propia carta pode observarse a distancia á que se atopa o provedor principal de cada prato.

Dispón de carnes e peixes á brasa e unha variedade de guarnicións para o seu acompañamento. Tamén ofrece dunha exquisita selección de viños espumosos, brancos e tintos e un gran número de sobremesas caseiras.