O RESTAURANTE

Gastroteca en pleno centro da cidade de Betanzos, que ademais posúe unha variada tenda con produtos locais de calidade. No seu local, existen dúas zonas: unha Barra Informal e un Comedor Privado climatizado. No ano 2018, recibiu o Primeiro Premio Popular da “Semana do Petisco de Betanzos”. Tamén realizan comida para levar por encargo, servizo de “catering” e “Artesas agasallo” para particulares ou empresas, con calquera dos seus produtos.

A COCIÑA

Lolo Mosteiro e Paula Martínez dirixen este Restaurante » Gastroteca», no que se combina orixinalidade, coa cociña tradicional e de autor. A súa máxima é «innovación na tradición».

Produtos galegos, carnes e peixes da comarca, cervexas artesás, viños, entre eles, viños da Indicación Xeográfica Protexida «Betanzos», son algúns dos moitos produtos da Reserva de Biosfera Mariñas Coruñesas e Terras do Mandeo que poderedes atopar na Moza Crecha.