O Restaurante

Situado no municipio de Coirós, nunha contorna natural no coñecido Monte Espenuca, o Restaurante A Paz conta con máis de 40 anos de experiencia e a confianza de numerosos clientes satisfeitos. A 250 metros pódese visitar o miradoiro sobre As Mariñas e a ermida de Santa Aia.

Dispón de amplos e luminosos salóns, terraza e carpa, ademais dunha cafetaría e un espazoso aparcadoiro. Para os pequenos da casa, conta cunha extensa zona de xogos, xardín e unha pequena granxa. Sen dúbida, o lugar ideal para o goce de toda a familia.

A cociña

Na súa cociña tradicional priman os produtos de boa calidade. Posúe unha rica carta, ademais dunha ampla variedade de menús deseñados pensando nos clientes. Así mesmo, dannos a posibilidade de crear o noso propio menú. A especialidade, segundo os seus comensais, a tenreira asada e a tortilla estilo Betanzos.